निजामती कर्मचारी यूनियनको केन्द्रिय बैठक रेसुंगामा

घनश्याम गौतम
गुल्मी । नेपाल निजामती कर्मचारी यूनियनको आठौं बैठक शनिवार देखि गुल्मीको रेसुंगाडा“डामा शुरु भएको छ ।

जिल्लाको धार्मिक एवं पर्यटकिय क्षेत्र रेसुंगाको प्रवर्धन गर्ने उद्देश्यले निजामती कर्मचारी यूनियन गुल्मीको आग्रहमा यूनियनको केन्द्रिय बैठक रेसुंगामा आयोजना गरिएको हो । बैठकको केन्द्रिय अध्यक्ष सुबोधकुमार देवकोटाले उद्घाटन गरेका छन् । बैठकसंगै कर्मचारी मित्र मिलन र जिल्लाले प्रकाशन गरेको रेसुंगा सुशासनको समेत बिमोचन गरिएको छ ।

बैठकको उद्घाटन गर्दै अध्यक्ष देवकोटाले राष्ट्रसेवक कर्मचारीहरु इमान्दारी र एकता हुनेपर्नेमा जोड दिए । कर्मचारीहरुमा एकता भएमा सेवा प्रवाहमा सजिलो हुने, संगठन बलियो हने, संगठन बलियो भएमा पार्टी बलियो हुने र पार्टी बलियो भए देशको शासन व्यवस्था पनि बलियो हुने र त्यसले लोकतन्त्रलाई समेत बलियो बनाउने बताए ।

झण्डै २ हजार मिटर उचाईको रेसुंगा पोखरीमा शुरु भएको यूनियनको बैठकमा निजामती कर्मचारी यूनियनको विधान संशोधन सहित निजामती कर्मचारीहरुका समस्या बारेमा छलफल हुने केन्द्रिय सदस्य जयश्वर पन्थीले बताए । बैठकका लागि केन्द्रिय समितिका २ दर्जन बढी पदाधिकारी र सदस्यहरु रेसुंगामा भेला भएका छन् । त्यस्तै छिमेकी जिल्लाका कर्मचारीहरु समेत रेसुंगामा आएका छन् ।

Read More

4:39:00 AM | 0 प्रतिकृयाहरु

निर्वाहमुखीलाई छाडेर व्यबसायिक बन्दै गुल्मी दर्लिङका कृषक

संगिता कुवँर
गुल्मी, बैशाख ४ ।  परम्परगत कृषी पेशाबाट जिवनस्तर माथि उठ्न नसकेपछि गुल्मी दर्लिङका स्थानिय बासिन्दाहरु आधुनीक कृषी प्रणालीका लागी एकजुट भएका छन् । आधुनिक नगदे तथा उन्नत बाली मार्फत आर्य आर्जनमुलक एवम व्यबसायिक खेती मार्फत आफ्नो जिवन स्तर परिर्वतन गर्नको लागी उनीहरुले कृषक समुह गठन गरी व्यबसायिक खेती सुरु गरेका गरेका छन् ।
दर्लिङ गाबिसको वडा नम्बर ७ र ८ मा टोप बहादुर थापाको अध्यक्षतामा १९ सदस्यीय मैदान कृषि समुहको गठन गरीएको छ । समुहको उपाध्यक्षमा भाल सिहं बिक, सचिबमा राधिका बिक लगायतका अन्य सदस्यहरु रहनुभएको छ । त्यस्तै सोही गाबिसको वडा नम्बर ५ र ९ मा पनि प्रेमबहादुर श्रीसको अध्यक्षतामा ११ सदस्यीय मनकामना तरकारी कृषि उत्पादन समुहको गठन गरीएको छ । गाबिसमा सञ्चालन भएका कृषि उत्पादन समुहले निर्वाहमुखी भन्दा कृषि पेशाबाट माथि उठेर व्यबसायिक, नगदे तथा उन्नत खेतीमा लागेर कृषिलाई आधुनीक बनाउँदै लैजाने स्थानिय चुरामणि काउछाले जानकारी दिनुभएको छ ।

Read More

4:23:00 AM | 0 प्रतिकृयाहरु

गुल्मेली समाज जापानको अधिवेशन जून १६ मा

टोकियो
"आफ्नो जिल्ला, आफ्नो गाऊँ, हामी सबै मिली बनाऔं" भन्ने मूल नाराका साथ गुल्मी जिल्लाबाट जापान आई विभिन्न पेशा तथा व्यवसायमा आवद्ध गुल्मेलीहरुको समाज गुल्मेली समाज जापानले आगामी जुन १६ तारिख आईतवारका दिन दोश्रो अधिवेशन तथा घोषणा सभाको आयोजना गर्न गईरहेको छ ।
गत मे ११ तारिख शनिवारका दिन टोकियोमा बसेको वैठकले अधिवेशन सफल पार्नको लागि विभिन्न विभागहरुको गठन गरेको छ । जसअनुसार प्रचार-प्रसार विभागमा वावुराम भण्डारी, हल व्यवस्थापनमा राजु ढकाल, आर्थिक व्यवस्थापनमा कुलचन्द्र खरेल, पत्राचारमा मोहन रायमाझी, वार्षिक प्रतिवेदन तथा विधान मस्यौदामा शालिकराम भण्डारी र मिडियामा सुरेश केसी संयोजक रहनुभएको छ ।
अधिवेशनमा जापानमा रहनु भएका सम्पूर्ण गुल्मेलीहरुका साथै अन्य जापानवासी नेपालीहरुलाई पनि उपस्थितिको लागि समाजले हार्दिक निमन्त्रणा गरेको छ ।

Read More

1:42:00 AM | 0 प्रतिकृयाहरु

वामी-विश्व सम्पर्क मंचको गठन, गुल्मी प्रशासनमा दर्ता

विश्वभर समन्वय समिती गठन गर्ने प्रकृया शुरु


डा. ज्ञान बहादुर थापा
वामी, हाल: स्विडेन । वामीबासीको लागि खुशीको खबर ! समयको बहाब र बिकासको गतिसंगै विभिन्न आकांक्षा पूर्ति गर्ने उदेश्यले वामीबासी युबाहरु देश-बिदेशमा अध्यनरत र बिबिध पेशामा कार्यरत छन्। साथसाथै तराइ र काठमाडौँमा बसाइ सराइ गर्ने तथा विदेशी राहधानी लिने बढ्दो क्रमले गर्दा वामीमा युवा जनशक्ति कम हुदै गएको छ। यसै परिबेशमा देश बिदेशमा रहेका वामेली उर्जाशील युवाहरुको सक्रियतामा "वामी-विश्व सम्पर्क मंच" नामक संस्थाको स्थापना भइ जिल्ला प्रशासन कार्यालय, तम्घासमा मिति २०७० बैशाख २७ गते दर्ता भएको छ (दर्ता न. ६४/०६९/७०) ।
यस संस्थाको प्रमुख उदेश्य विश्वका विभिन्न देशमा बसोबास गर्ने वामीबासीहरुको बिचमा सुमधुर सम्पर्क कायम गर्दै वामीमा शिक्षा, स्वास्थ्य लगायत अन्य बिबिध क्षेत्रमा चौतर्फी विकास गर्नु हो। पछिल्लो समयमा द्रुत गतीमा विकास भएको इन्टरनेट प्रविधिको उपयोग गर्दै स्काईप र फेसबुकको माध्यमबाट सम्पर्क बिस्तार गरी चरणवद्ध कन्फेरेन्स मिटिंगहरुबाट यो संस्थाको जन्म भएको हो। संस्थामा साधारण र आजिबन सदस्य गरी दुइ प्रकारका सदस्यताको व्यवस्था छ। वामीका बासिन्दा सबै, पुर्ख्यौली घर वामी भएका सबै, मैदान/टक्सारको बिध्यालयमा अध्ययन गरेका अन्य जुनसुकै ठाऊँका व्यक्तिहरु तथा छिमेकी गा. बि. स. का इच्छुक व्यक्ति समेत यस संस्थाका साधारण र आजिबन सदस्य हुने प्राबधान छ ।
हाललाई फेसबुक र स्काइप मार्फत इन्टरनेटमा पहुँच हुने साथीहरुको बिचमा भएको सम्पर्कको आधारमा मात्र पनि ७८१ साधारण र १७७ आजिबन सदस्य संख्या पुगिसकेको छ। आजिबन सदस्य हुनको लागि एक पटक मात्र रु. ५०००/ (पाँच हजार) संस्थाको खातामा जम्मा गर्नु पर्नेछ, जुन रकमबाट संस्थाले अक्षयकोषको स्थापना गर्नेछ भने अन्य सहयोग र आर्थिक स्रोतबाट आफ्ना कार्ययोजना संचालन गर्नेछ। वामीमा नियमित कार्य सम्पन्न गर्नको लागि एउटा कार्यसमिति हुनेछ भने बिश्व भरिका वामीबासीहरुबाट एउटा समन्यव समिति गठन हुनेछ र देश बिदेशका विभिन्न ठाउँमा स्थानीय समितिहरु हुनेछन । तदनुरुप वामीमा श्री ज्ञानहरि सापकोटाको अदक्ष्यतामा १३ सदस्यीय कार्यसमिति गठन भैसकेको छ भने बिश्वब्यापी रुपमा समन्वय समिति गठन हुने प्रक्रियामा छ ।
यस संस्थाका केही योजना र अन्य गतिबिधिहरु वामी-विश्व सम्पर्क मंचको फेसबुक पेजमा हेर्न सकिन्छ । केही साथीहरुको अगुवाइमा बिगत एक वर्षदेखि प्रवासी सम्पर्क संगम वामीको नामबाट फेसबुक पेज संचालन हुदै आएकोमा सम्पूर्ण वामीबासीको बीचमा छलफल भएर यसकै आधारमा वामी-विश्व सम्पर्क मंचको नामाकरण भएको हो । यसको स्थापना र नामाकरणमा थुप्रै जागरुक वामेली युबाहरुको अपुर्ब योगदान छ तापनि प्रतिनिधिमुलक रुपमा उल्लेख गर्नुपर्दा काठमाडौँबाट प्रा. डा. तारा प्रसाद सापकोटा, डा. ज्ञानबहादुर थापा (हाल: स्वीडेन), अमेरिकाबाट डा. इश्वरी प्रसाद पाण्डे, हरि नारायण सापकोटा, चेक रिपब्लिकबाट बैकुण्ठ रायमाझी, बेलायतबाट दुर्गा सापकोटा, होमेन्द्र भण्डारी, वामीबाट महेश जि. सी., भुवन के. सी., कृष्ण हरी सापकोटा, मोहन लाल श्रेष्ठ, ज्ञानहरि सापकोटा, चितवनबाट इ. कृष्ण चालिसे, जापानबाट बोधशाली गौतम, सुरेश के. सी., सोम रायमाझी, दुर्जन रायमाझी, सुनिल सापकोटा, रामलाल सापकोटा, दिलिप थापा, टेक भण्डारी, पारस बोहोरा, कतारबाट यदु घिमिरे, बहराईनबाट डि.बि. बोहोरा, अस्ट्रेलियाबाट टंक कंडेल लगायतको भूमिका उल्लेख्य छ ।

Read More

8:00:00 PM | 0 प्रतिकृयाहरु

विद्यार्थीका लागि अक्षयकोष स्थापना

पि.एम.मगर
गुल्मी, जेष्ठ ०४ । नेपाल बैंक लिमिटेड रुपन्देहीमा कार्यरत रामवहादुर कुवँरले गुल्मी हस्तीचौर गाविस गुर्बामा रहेको रातचौर प्राथमिक विद्यालयमा विद्यार्थी छात्रवृति अक्षयकोषको स्थापना गर्नुभएको छ । उहाँले गत विहीवार एक कार्यक्रमका विचमा २० हजार २ सय ७ रुपैयाँको छात्रवृति अक्षयकोषको स्थापना गर्नुभएको हो । सोही अवसरमा अक्षयकोष स्थापना गर्ने कुवँर दम्पत्तीलाई दोसल्ला, कदरपत्र तथा अविरले सम्मान समेत गरिएको थियो ।
सम्मान कार्यक्रममा वोल्दै प्रमुख अतिथि शिक्षाप्रेमी एवं नेपाली काँग्रेसका गाउँ सभापति शेरवहादुर कुँवरले विद्यालयमा स्थापित यस अक्षयकोषले विद्यार्थीहरुलाई अध्ययनप्रति थप लगनशील वनाउन टेवा पु¥याउनुका साथै गरिव तथा विपन्न विद्यार्थीहरुलाई सहयोगी वन्ने आशा व्यक्त गर्नुभयो । साथै उहाँले छात्रवृतिको स्थापना गर्ने कुवँर दम्पत्तीलाई सम्मान गर्दै आभार समेत व्यक्त गर्नुभएको थियो । कार्यक्रममा शिक्षक अभिभावक संघका अध्यक्ष धनिश्वर पन्थीले पनि वधाई मन्तव्य व्यक्त गर्नुभएको थियो ।
विद्यालय व्यवस्थापन समितिका अध्यक्ष भिमवहादुर खत्रीको अध्यक्षतामा सम्पन्न कार्यक्रममा शिक्षिका सिता जिसीले स्वागत मन्तव्य व्यक्त गर्नुभएको थियो भने कार्यक्रमको सञ्चालन विद्यालयका प्रधानाध्यापक दिपक कुवँरले गर्नुभएको थियो ।

Read More

3:49:00 PM | 0 प्रतिकृयाहरु

रामराज्यको ब्यवस्थापन समितीमा चन्द्र बहादुर

संगिता कुवँर
गुल्मी, बैशाख ४ ।  रामराज्य उच्च माध्यमिक बिद्यालय दोहोली ५ गुल्मीमा बिद्यालय ब्यवस्थापन समिति गठन भएको   छ ।
जिल्ला शिक्षा कार्यालय गुल्मीका प्रतिनिधि तथा अबिभावकहरुको उपस्थितिमा ८ सदस्यीय बिद्यालय ब्यवस्थापन समिति गठन भएको हो । २ जना पछि मनोनित गर्ने गरि गठन भएको समीतिको अध्यक्षमा चन्द्र बहादुर महत रहनुभएको छ । त्यस्तै सदस्यहरुमा  लक्ष्मण बिष्ट, केशव रिजाल, दुर्गादेवि दर्लामी, कृष्ण प्रसाद रिजाल, लंक बहादुर बस्नेत, फुलमति रिजाल रहनुभएको छ । सदस्य सचिवमा बिद्यालयका प्रधानाध्यपक लाल बहादुर कुँवर रहनुभएको छ । समिति सर्वसम्मत रुपमा गठन भएको हो । कार्यक्रममा जिल्ला शिक्षा कार्यालय गुल्मीका बिद्यालय निरिक्षक झबिलाल बिक, स्रोत ब्यक्ति कल्पना भण्डारी तथा गाउँ शिक्षा समितिका अध्यक्ष भिम प्रसाद पोख्रेलको उपस्थिति रहेको थियो ।

Read More

11:25:00 AM | 0 प्रतिकृयाहरु

पासपोर्ट वनाउन आएका चार जना महिलाहरु पक्राउ

जनार्दन घिमिरे
गुल्मी, ४ जेठ । ललाई-फकाई विभिन्न प्रलोभन देखाएर राहदानी वनाएर विदेश लैजान खोजेको आशंकामा हिजो शुक्रबार जिल्ला प्रहरी कार्यालय गुल्मीले चार जना महिलाहरुलाई पक्राउ गरेको छ । यसरी पक्राउ पर्नेमा अर्घाखाँची चिदिका घरभई हाल गुल्मीको मजुवा निवासी ३६ वर्षीय नजिरा मिहा, रुपन्देही देवदह गाविस २ निवासी २८ वर्षीय गिता विक, गुल्मी तुराङ् गाविस ५ निवासी २८ वर्षीय रिता विक, २७ वर्षीया मिना रजाली र ३५ वर्षीया कमला राना रहेका छन् । उनीहरुलाई राहदानी वनाउन लागेको अवस्था सोधविनको क्रममा जिल्ला प्रशासन कार्यालयवाट पक्राउ गरिएको जिल्ला प्रहरी कार्यालय गुल्मीका प्रहरी नायव उपरिक्षक गुरु विष्णु काफ्लेले वताउनु भएको छ । उनीहरु राहदानी वनाउन सदरमुकाम आएका छन् भन्ने वारेमा प्रशासनलाई दिएको सूचनाको आधारमा सोधपुछ गर्ने क्रममा शंकास्पद कुरा गरेपछि उनीहरु पक्राउ परेका हुन् ।  
चार जनामध्य नजिया मियाको मध्यस्थतामा राहदानी वनाउनकालागि रिता, मिना र कमलासँग पैसा नभएको भन्दै गिता विकलाई उनीहरुको सवै रकम राखिदिन भनेपछि गिता विकले उनीहरुको पैसा आफैले राखिदिएकि थिईन् । “राहदानी वनाएर कहाँवाट जाने हो ? भन्ने प्रश्नमा ती महिलाहरुको वम्वैवाट भन्ने उत्तर पुरा हुन नपाउँदै उनीसँगै रहेकि गिता विकले हैन हैन काठमाण्डौवाट जाने हो भन्ने उत्तर दिएपछि कुरा वाझिएको हुँदा शंका लागेर हामीले सोधपुछका लागि पक्राउ गरेको हौं”  प्रहरी निरिक्षक राजेन्द्र श्रेष्ठले भन्नु भयो ।
राहदानी वनाउन आएका ति महिलाहरुले भने आफुहरु घर सल्लाहवाटै राहदानी वनाउन आएको जनाए पनि उनीहरुले पहिले वम्वैवाट जाने हो भनेको र अहिले प्रशासनमा पुग्दा काठमाण्डौवाट भनेपछि शंका लागेको हुनाले आफुहरुले अव राहदनी नवनाई घर र्फकने वताएको प्रहरीले जनाएको छ । उनीहरु चारै जनालाई अहिले सोधपुछको लागि प्रहरी हिरासतमा राखिएको छ ।

Read More

4:59:00 AM | 0 प्रतिकृयाहरु

पानी परेपछि कृषकहरु हर्षित, यात्रुहरुलाई भने सास्ती

पि.एम.मगर
गुल्मी, जेष्ठ ३ । लामो समयको प्रतिक्षामा रहेका कृषकहरु पानी परेपछि निक्कै हर्षित वनेका छन् । कहिले पानी पर्ला र खेती लगाउँला भन्दै आकाशतिर आँखा लगाईरहने कृषकहरु आजभोली खेतवारीमै व्यस्त देखिन्छन् । पानी परेपछि खेतमा धानको वीउ लगाउने, मकै खन्ने लगायतका कामहरुको चटारो परेको छ । वन्द भएका लघु जलविद्युत पनि हिजोदेखि पुन सञ्चालनमा आएका छन् ।
खानेपानीको समस्या खेप्दै आएका उपभोक्ताहरु यतिवेला पानी परेपछि प्रयाप्त मात्रामा खानेपानी उपलव्ध भएको वताएका छन् ।
यस्तै ठुलो पानी परेका कारण गुल्मीको पश्चिम क्षेत्रका अधिकांश गाविसहरुमा तमघासवाट छुट्ने वस सञ्चालनमा आउन समस्या भएको छ । गाउँ ठाउँमा रहेका वाटोहरु हिलाम्मे वनेपछि वसहरु फस्ने गरेका कारण अर्खवाङ्ग, छापहिले, सिमलटारी, अर्जै लगायतका गाविसमा वसहरु सञ्चालनमा आउन सकेका छैनन । वसहरु सञ्चालनमा आउन नसकेपछि जीपमा चर्को भाडा तिरेर समेत यात्रा गर्न वाध्य भएको यात्रुहरुले गुनासो गर्न थालेका छन् । कतिपय यात्रुहरु भने पैदल हिड्न वाध्य भएका छन् ।

Read More

4:46:00 AM | 0 प्रतिकृयाहरु

गुल्मीका कर्मचारीहरुको बैठक रेसुङ्गामा

अनिल खत्री
गुल्मी, जेष्ठ ४ । नेपाल निजामती कर्मचारी यूनियन, गुल्मीकोले आज जेठ ४ गते शनिवार गुल्मीको पबित्र धार्मिकस्थल रेसुंगाको पर्यटन प्रवर्धन गर्ने उद्देश्यले रेसुङ्गा पोखरीमा केन्द्रिय कार्य समितिको आठौं बैठक सम्पन्न हुँदैछ । यसै अवसरमा रेसुंगा सुशासन नामक स्मारिका बिमोचन, युनियनसंग आवद्ध सम्पूर्ण कर्मचारीहरुको बिचमा शुभकामना आदानप्रदान र मित्रमिलन कार्यक्रमको आयोजना समेत गरेको नेपाल निजामती कर्मचारी यूनियन संगठनका केन्द्रिय सदस्य जयश्वर पन्थीले जानकारी दिनु भयो ।
आठौं बैठक तथा बिबिध कार्यक्रमको लागी नेपाल निजामती कर्मचारी यूनियन केन्द्रिय अध्यक्ष सुबोधकुमार देवकोटा पनि हिँजै गुल्मी आइगुग्नु भएको छ । कार्यक्रममको सम्पुर्ण तयारी पुरा भएको संगठनले जनाएको छ ।

Read More

4:43:00 AM | 0 प्रतिकृयाहरु

प्रधानाध्यापकको राजीनामा माग गर्दै विद्यार्थीहरु आन्दोलित

पि.एम.मगर
गुल्मी, जेष्ठ ०२ गते । प्रधानाध्यापकको राजीनामाको माग गर्दै अर्घाखाँचीको जन कल्याण माध्यमिक विद्यालयका विद्यार्थीहरु आन्दोलनमा उत्रिएका छन् । भगवती गाविस वार्ड नं. ४ मा रहेको उक्त विद्यालयका प्रधानाध्यापक भोजराज पाण्डे विद्यालयमा अनियमित रहने गरेको भन्दै विद्यार्थीहरुले उनको राजीनामा माग गरेका हुन् ।
प्रधानाध्यापक पाण्डे हप्तौसम्म पनि विद्यालय उपस्थित नहुने, विद्यालय समयमा नै मदिरा सेवन गरी हिड्ने र महिनाको एक दुई पटक मात्र विद्यालय आई महिनाभरीको नै हाजिरी लगाई हिड्ने गरेको भन्दै विद्यार्थीहरुले विहीवार विद्यालय नै वन्द गरेका छन् । विद्यार्थीहरुले भगवतीवाट अर्घातोष हुँदै मरेङ्गसम्म विरोध ¥याली समेत गरेका थिए । विद्यालय व्यवस्थापन समितिका अध्यक्ष हरिलाल पाण्डेले प्रधानाध्यापक पाण्डेलाई विद्यालयमा नियमित वन्नुपर्ने भनी सल्लाह दिँदा उल्टै विभिन्न राजनीतिक पार्टीको आधार देखाउँदै धम्की समेत दिने गरेको दिपेन्द्र श्रेष्ठले बताउनुभयो ।

Read More

8:44:00 PM | 0 प्रतिकृयाहरु

प्रशाशनद्धारा एग्रोभेटहरुको अनुगमन

विशाल भट्टराई
गुल्मी, ३ जेठ । जिल्ला प्रशाशन कार्यलय गुल्मीले सदरमुकाम तम्घासमा सञ्चालीत एग्रोभेट पसलहरुको अनुगमन गरेको छ । बजारमा संचालन भएका पसलहरुले गैर कानूनी रुपमा बिषादीहरुको खुलेआम बिक्री भएको गुनासो बढेपछि जिल्ला प्रशाशन कार्यालयको नेतृत्वमा एग्रोभेटहरुको अनुगमन गरिएको हो ।
शुक्रबार गरिएको अनुगमनका क्रममा ठूलो परिमाणमा बिषादी र म्याद नाघेका औषधी बरामद गरेको जिल्ला कृषि बिकास कार्यालयका बिषादी निरीक्षक अधिकृत परशुराम अधिकारीले जानकारी दिए । टोलीले तम्घासका मिलन एग्रोभेट, गाउँले एग्रोभेट, शिवरमेश एग्रोभेट र लक्ष्मी एग्रोभेट सेन्टरमा अनुगमन गरेको थियो ।

Read More

8:01:00 PM | 0 प्रतिकृयाहरु

१२ वर्षपछि फर्कियो नेपाल बैँकको शाखा

राम सुवेदी
बाग्लुङ, बैशाख ३ । बागलुङको बुर्तिबाङमा बाह्र वर्षपछि नेपाल बैंक शाखाको पुन:स्थापना भएको छ । शाखा पुनःस्थापनाका अवसरमा बैंकका व्यवस्थापन संयोजक महेश्वरलाल श्रेष्ठबाट उद्घाटन गरिएको छ । विगतमा २०३३ सालमा स्थापना भएको बुर्तिबाङ शाखा राजनैतिक द्वन्दका कारण २०५७ सालमा जिल्ला सदरमुकाम बागलुङमा विस्थापित हुन पुगेपछि यस क्षेत्रका जनताले सरकारी बैंकबाट प्राप्त हुने सेवा सुविधाबाट बञ्चित हुनु पर्ने अवस्था आएको थियो ।

जिल्लाको भौगोलिक विकटताले आफै पछाडि परेको बुर्तिबाङ क्षेत्रका जनता द्वन्द्वको पिडामा परेर धेरै दुःख त पाएकै हुन् त्यस सँगै राज्य निकायका कार्यालयहरु समेत आफ्नो पहुँच भन्दा टाढा भईदिंदा यस क्षेत्रका १७ गाउँ विकास समितिका जनता अर्को पिडा सहन बाध्य रहेको अवस्थामा पुन १२ वर्षपछि नेपाल बैंक शाखाको विधिवत उद्घाटन गरि सेवा पाउनेभएपछि प्रफुल्लित भएकाछन् ।
यसरी नेपाल बैंकको शाखा स्थापना भएपछि यस क्षेत्रका जनताले सरकारी वित्तिय सेवा अन्तरगत, विभिन्न विकास निर्माणमा आउने वजेटको निकासा, सरकारी कार्यालयमा कार्यरत निजामति कर्मचारीको तलव निकासा, गाउँ विकास समितिको कार्यालयबाट वितरण गरिने विभिन्न शीर्षका सामाजिक सुरक्षा अन्तरगतका भत्ता, विभिन्न स्वदेशी तथा विदेशी सरकारी निकायबाट सेवा निवृत भईबसेकाहरुका लागि दिलाईने पेन्सन लगायतका सेवा यस बैंकबाट पाउने भएकाछन् ।
औपचारिक कार्यक्रमको आयोजना गरि शाखा स्थापना भएको सन्देशसँगै बैंक पुनस्थापना कार्यक्रमका प्रमुख अतिथि समेत रहेका नेपाल बैंक लिमिटेड केन्द्रिय कार्यालय शाखा व्यवस्थापन संयोजक महेश्वरलाल श्रेष्ठले , ‘विगतको ईतिहासमा नेपाल राष्ट्र बैंक स्थापना हुनु अघिका दिनमा समेत राज्य निकायको सरकारी बैंकको रुपमा सेवा प्रदान गर्दे आएको बताउँदै उक्त अवस्थामा यस बैंकले देशै भर २ सय ४३ शाखा व्यवस्थापन गर्दे गएको बताउनुभयो । देशमा द्वन्द्व सिर्जना भएपछि संकुचित हुँदै गएको नेपालबैंकले पुनः देश शान्ति सुव्यवस्था तर्फ फर्किपछि बुर्तिबाङशाखा ११६औं शाखाको रुपमा पुनस्थापित भएको बताए ।
त्यस्तै संयोजक श्रेष्ठले यस क्षेत्रका जनताले नोटकोष सहितको शाखा माग गरेको सन्दर्भलाई उठाउँदै सम्पूर्ण सरकारी कार्यालयले बैंकमा खाता सञ्चालन गरेको अवस्था आएमा त्यस तर्फ अवस्य माग पुरा हुने भन्दै त्यस अघि महालेखा परिक्षाण कार्यालय, नेपाल राष्ट्र बैंक, कोष तथा लेखा नियन्त्रण कार्यालय लगायतका निकायसँगको सल्लाह आवश्यक रहेको बताएकाछन् । उता कार्यक्रमका विशिष्ट अतिथि तथा नेपाल राष्ट्र बैंकका निर्देशक नरेश ढकालले , भने ‘बैंकको शाखा स्थापना भएर मात्र नोटकोषको स्थापना हुन नसक्ने भन्दै आवश्यक पक्रिया अझै बाँकी रहेकाले ति आवश्यक पक्रिया पुरा गर्नका लागि नेपाल बैंक लिमिटेड बागलुङ शाखालाई जिम्मा दिइएको बताउँदै केहि समय लाग्ने बताएकाछन् ।
स्थानीय ९३ वर्षिय वयोबृध बलबहादुर घर्ति मगरको अध्यक्षता रहेको कार्यक्रमका अवसरमा बैक पुनस्थापना सहयोग समितिका संयोजक तथा बुर्तिबाङ गाउँ विकास समितिका सचिव नन्दराम भुसाल, बागलुङ उद्योग वाणिज्य संघ ईकाई बुर्तिबाङका अध्यक्ष रामबहादुर कुवँर, बुर्तिबाङ नगर विकास समितिका संयोजक तुल्सीराम अर्याल, बुर्तिबाङ यातायत व्यवस्थापन समितिका अध्यक्ष चन्द्रलाल अर्याल लगायतले बोलेका थिए । कार्यक्रममा बोल्ने अधिकांश वक्ताहरुले बुर्तिबाङबाट विस्थापित भएको सबै कार्यालयलाई पुनस्थिापित गराउँदै यस क्षेत्रका जनतालाई सरल र सहज तरिकाले सरकारी सेवा दिन आवश्यक रहेको कुरामा जोड दिएका थिए ।
बैंकका बुर्तिबाङ शाखा प्रबन्धक हरीबहादुर भुजेलले स्वागत गर्नुभएको कार्यक्रमको सञ्चालन बैकका केन्द्रिय प्रवन्धक अरुणा वज्रचार्यले गर्नुभएको थियो ।

Read More

6:07:00 PM | 0 प्रतिकृयाहरु

क्याम्पसको नयाँ भवनको शिलान्यास

पि.एम.मगर
गुल्मी, जेष्ठ ०२ गते । धुर्कोट परमानन्द भण्डारी वहुमुखी क्याम्पस, धुर्कोट वस्तुको निर्माण गर्न लागिएको ८ कोठे भवनको विहीवार एक कार्यक्रमका विच शिलान्यास गरिएको छ । विश्व विद्यालय अनुदान आयोग यूसीसीको २५ लाख रुपैयाँ वरावरको आर्थिक सहयोगमा निर्माण हुन लागेको उक्त भवनको नेकपा एमालेका जिल्ला अध्यक्ष टोमलाल पाण्डेय, जग्गादाता ढुण्डीराज शर्मा भण्डारी र युवराज पाण्डेयले संयुक्त रुपमा शिलान्यास गर्नुभएको हो ।
भवनको शिलान्यास गर्दै तिनै जना अतिथिहरुले भवन सम्पन्न गर्नका लागि सवै पक्षले आ–आफ्नो पक्षवाट सहयोग पु¥याउनुपर्नेमा जोड दिनुका साथै क्याम्पसको सफलताको शुभकामना मन्तव्य व्यक्त गर्नुभएको थियो ।
कार्यक्रममा निर्माण समितिका अध्यक्ष केशवराज भण्डारी, सचिव युवराज भण्डारी, समितिका व्यवस्थापक मुकुन्द भण्डारी, गाविस सचिव ऋषिराम पाण्डेय, हिमालय उच्च माध्यमिक विद्यालयका निमित्त प्रधानाध्यापक कृष्णप्रसाद भण्डारी, पाञ्चायन उच्च माध्यमिक विद्यालयका प्रधानाध्यापक टेकवहादुर श्रेष्ठ, क्याम्पसका स्ववियू सभापति नारायण पाण्डेय, सुपरभाईजर माधव भण्डारी, रेडियो रेसुङ्गाका प्रतिनिधी अर्जुन भण्डारी लगायत स्थानीय समाजसेवी, चन्दादाता, क्याम्पस सञ्चालक समितिका पदाधिकारीहरु, संस्थापक सदस्य, शिक्षक विद्यार्थी सवैको उपस्थिति रहेको थियो ।
गुणस्तरीय तथा मापदण्ड अनुसार भवनको निर्माण गर्नतर्फ पुर्ण रुपमा ध्यान पु¥याउन आग्रह गर्दै मुल मिस्त्री धनवहादुर नेपालीलाई टिका तथा मालाले स्वागत तथा सम्मान गरिएको थियो । शुरुमा निर्माण हुन लागेको विद्यालयको घडेरीका विषयमा केही विवाद भएपनि अहिले भवन निर्माणका विषयमा कुनै विवाद नभएको समितिका अध्यक्ष केशवराज भण्डारीले वताउनुभएको पत्रकार अर्जुन भण्डारीले बताउनुभयो ।

Read More

3:41:00 PM | 0 प्रतिकृयाहरु

मृगौला फेल भएर स्वदेश फर्किएका परियारले उपचार खर्च पाएनन् (अडियो कुराकानी)

प्रेम सुनार
जेठ ३, गुल्मी ।  चरम गरिवीबाट मुक्त भईन्छ कि भन्ने सपना बोकेर ऋण काढेर कतार पुगेका छोराको किड्नी फेल भएर ६ महिनामै नेपाल फर्केपछि गुल्मी नेटा गाविसको भोटबहादुर परियार  छोराको उपचार खर्च जुटाउन नसकेर सहयोगको हात फैलाउँदै हिँडेका छन् । नेटा गाविस वडा नम्वर ७ निवासी भोटबहादुर परियारको सम्पत्तिका नाममा वास मात्रै छ । छोरा गोपालबहादुर परियार गत मंसिरमा कतार गएको र दुवै मृगौला फेल भएपछि चैत्रमा कम्पनीले फर्काईदियो ।
पैसा कमाएर ऋण तिर्न आउला भन्ने आसमा वसेका भोटबहादुर दम्पत्ति छोरा फर्के लगत्तै विर अस्पतालमा भर्ना भएपछि पुम्पुरो समाउने भए । भोटबहादुरले छोरालाई आफ्नै मृगौला दिएर बचाउन चाहन्छन तर प्रत्यारोपण गर्ने पैसा छैन । त्यसैले उनि गाविसमा सिफारिस बनाई सहयोगको हात फैलाउँदै हिँडेका हुन । प्रत्यारोपण गर्ने आठ दश लाख रुपैयाँ उनको घर वास बेचे पनि पुग्दैन । उनले छोरा गोपालको जिवन रक्षार्थ सवैसंग सहयोगको अपिल गरेका छन् ।
छोरा गोपाल यतिबेला विर अस्पतालमा भर्ना छन् । छोरालाई भेट्न पुगेका भोटबहादुर होटलमा बस्ने पैसा नभएर फर्किएका हुन् । सुनौ छोराको जिवन रक्षार्थ तड्पिएका उनै भोटबहादुरसंग गुल्मीन्युज सहकर्मी प्रेम सुनारले गरेको छोटो कुराकानी:

मोबाईलबाट सुन्न यहाँ क्लिक गर्नुहोला ।

Read More

12:16:00 PM | 0 प्रतिकृयाहरु

१५ बुँदे शान्तिपुर घोषणापत्रसँगै सकियो सिवासी नेपालको सम्मेलन (फोटोहरु सहित)

तेजेन्द्र थापा
शान्तिपुर, बैशाख ३ । चारतारे युवा क्लब (सिवासी) नेपालको शाखा स्तरिय केन्द्र प्रमुख, उपप्रमुखहरुको गोष्ठी तथा लघुवित्त सम्मेलन शान्तिपुर गुल्मीमा १५ बुँदे शान्तिपुर घोषणा पत्र जारि गर्दै  सम्पन्न भएको छ । "श्रम गरौ, उद्यमी बनौ" भन्ने मूल नाराका साथ सम्पन्न उक्त सम्मेलन पूर्व सयौँको संख्यामा उपस्थित महिलाहरुले "बैदेशिक रोजगार चाहिँदैन, युवा बेच्न पाइदैन", "कसैको भर नपरौ, बचत गरौँ", "सामाजिक एकता आजको आवश्यकता", "महिला हिंसा अन्त्य गरौ, छोरा छोरी बराबरी" जस्ता नारा लेखिएका प्यलेकार्ड बोकेर नारा लगाउँदै शान्तिपुर बजार परिक्रमा गरेका थिए । सो र्‍यालीपछि शुरु भएको खुल्ला शत्रको अध्यक्षता शान्तिपुर शाखा निर्देशक शुभ शाहीले गर्नुभएको थियो भने प्रमुख अतिथिमा सोहि सस्थाका संरक्षक तथा बरिष्ठ अधिबक्ता पद्मनाथ शर्मा,अन्य अतिथिमा सँस्थाका अध्यक्ष चण्डी प्रसाद शर्मा, सल्लाहकार इन्द्रराज पौडेल रहनु भएको थियो ।

सँस्थाकी सह-सचिब गण्डकी थापा (अधिकारि)ले संचालन गर्नुभएको कार्यक्रममा शाखाको बार्षिक प्रतिबेदन शाखा प्रमुख सुनिता पुनले प्रस्तुत गर्नु भएको थियो । महिला लक्षित कार्यक्रमहरु त बित्तिय कारोबार गर्दै आएको सँस्था अहिले बिसौँ बर्ष  पार गरेको छ र सँस्थाले बित्तिय कारोबार शुरु गरेको पनि १२ बर्ष पुगेको छ । बाग्लुङ्ग जिल्लाबाट शुरु गरिएको सो सँस्थाको कार्य क्षेत्र हाल बाग्लुङ्ग सहित गुल्मी, लम्जुङ्ग, पाल्पा, तनँहु र अर्घाखाँची गरी पश्चिम नेपालका ६ जिल्लामा बिस्तार गरेको छ ।

सँस्थामा आबद्द महिलाको संख्या करीब २५००० पुगेको छ भने कर्मचारी ८५ जना रहेका छन् । केहि नहुने महिलाहरुलाई पनि बिना धितो कर्जा दिएको सो सँस्थाले निम्न आयस्रोत भएका महिलालाई उद्यमी बनाउने उद्देश्यका साथ महिला सशक्तिकरण, महिला स्वास्थ्य आदि बिषयमा पनि महिलालाई शिक्षा दिँदै आइ रहेको छ ।

Read More

12:02:00 PM | 0 प्रतिकृयाहरु