स्थानिय निकाय प्रति धेरैमा खुशीयाली थोरैमा असन्तुष्टी

  •  
  •  
  •  
  •  
  •  

प्रेम सुनार
गुल्मी , कार्तिक १२ । अन्तिम टुङ्गोमा नपुगे पनि गुल्मी जिल्लाका राजनैतिक दलहरुले तयार पारेको स्थानिय निकायको खाका प्रति केहि स्थानमा छिटपुट असन्तुष्टी वाहेक अन्य धेरै स्थानमा खुशीयाली छाएको पाईएको छ ।
मजुवामा केन्द्र बन्नु पर्छ, नबेन आन्दोलनको आँधीवेरी ल्याउछौं भन्दै शनिवार त्यहाँका केहि राजनैतिक दलका नेताहरु सदरमुकाममा आए पनि तुराङ्ग गाविसकै माथील्लो भेगका जनताले शान्तिपुर केन्द्र नै आफुहरुलाई स्वागत योग्य भएको प्रतिकृया दिएका छन् ।
तुराङ्ग वडा नम्वर ९ का निवर्तमान वडा अध्यक्ष तथा हालका वडा संयोजक वावुराम बोहराले तुराङ्ग ८ र ९ लाई शान्तिपुर केन्द्र पायक पर्ने बताए । उनले भने –‘मजुरवा बजारका केहि व्यक्तिहरु हिजो तम्घास गएर विरोध जनाए भन्ने सुनेको छु तर हामी जस्तो विकट गाउँका जनता र म स्वयम जनप्रतिनिधीलाई एक पटक सोध्ने बोलाउने चेष्टा समेत गरिएन् ।’
उनले २०६४÷०६५साल तिर गाविस कार्यालय माथी पिपलपाटामा राख्ने निर्णय गरिए पनि मजुवा बजारवासीले सार्न नदिएर माथील्लो भेगका जनतालाई सास्ती दिएकोले मजुवाका सिमित व्यक्तिहरुले चाँहदैमा सवै तुराङ्गवासीको विरोध छ भन्नु गलत हुने धारणा राखे । वडा नम्वर ८ र ९ का अधिकांस जनताले पनि आफुहरुलाई शान्तिपुर वा मजुवा जहाँ भए पनि ठिकै हुने प्रतिकृया दिए ।
उता आँपचौरका जनता भने मजुवा वा त्यस वरापरको स्थानमा केन्द्र भए पायक पर्ने तर वामीटक्सार टाढा पर्ने बताउँदै आएका छन् । त्यस गाउँकावासीन्दा तथा नेकपा एमालेका जिल्ला सदस्य जिवन खरेलले त्यहाँका सम्पुर्ण जनता असन्तुष्ट रहेको र ईलाका नम्वर ४ लाई टुक्राईए स्थिती गम्भीर हुने चेतवानी दिदै आएका छन् ।
् तर सोही ईलाकामा पर्ने दिव्रुङ्गका जनता भने शान्तिपुरमा केन्द्र बनाईएको प्रति हर्षित देखिएका छन् । रुपाकोटको माथील्लो भेग पनि शान्तिपुर केन्द्र भएमा राम्रै हुने पक्षमा देखिएका छन् । रुपकोटको सोता गाउवासीलाई भने अलि मर्का पर्ने बताईएको छ । तत्कालिन गुल्मी जिल्ला अर्घाखाँची सहितको हुँदा तम्घासलाई सेन्टर मानेर सदरमुकाम बनाईए पनि पछि छुट्टीदा मजुवामै सदरमुकाम राख्न त्यहाँका वासीन्दाले माग गरेका थिए । ्
् तत्कालिन युद्धरत माओवादीले पनि सेन्टर मानेर मजुवामा जनसरकार घोषणा गरेको थियो । यसर्थ पनि मजुवा त्यस भेगका गाविसहरुका लागि सेन्टर पर्ने र आवश्यक भौतिक संरचना समेत रहेकोले त्यहाँ केन्द्र बनाईनु पर्ने तुराङ्गका निवर्तमान गाविस अध्यक्ष चेतन वस्नेतले जोड गरे ।
तर कुर्घालाई मजुवा पायक नपर्ने त्यहाँका समाज सेवी ज्ञानहरी सापकोटाले बताए । ‘हामीलाई वामी नजिक पर्दछ’– नेपाली कांग्रेसका महाधिवेशन प्रतिनिधी समेत रहेका सापकोटाले भने–‘तुराङ्गका हाम्रा पार्टी सभापति टिकाराम जिले मजुवामा केन्द्र बनाउनका लागि हामी संग सहयोग त मान्नु भएको थियो तर जहाँका पनि जनताले नजिक भन्दा नजिक केन्द्र चाहने भएकोले सहयोग गर्न सकिने अवस्था रहेन , वामी नै हामीलाई ठिक छ । ’
उता जैसीथोकको वरबोट , पुर्कोटदह ,अर्खवाङ्ग , यता गौडाकोट , भेडुवा , घिउवेसी , पुर्तिघाट , शान्तिपुर , खैरेनी ,लगायतका स्थानमा प्रस्ताव गरिएको केन्द्रका विषयमा अहिले सम्म विरोध आएको छैन तर ईस्माको चाँपटारीमा केन्द्र राख्ने विषयमा भने माथील्लो भेगका अधिकांस जनताले विरोध जनाएका छन् । ईस्माको पुछारमा अधिकांसलाई अपायक पर्ने भन्दै माथी ईस्माको मैदानमा केन्द्र राखिनु पर्ने दोहलीका पुराना समाज सेवी चन्द्रबहादुर महतले माग गरे ।
उनले तल चाँपटारी अन्य गाविसका जनतालाई पनि अपायक हुने भएकोले त्यसमा तत्काल पुनरविचार गर्न कार्यदलमा सहभागी जिल्लाका नेताहरुलाई आग्रह गरे । लामो समय देखि अथक मेहनत गरेर जिल्लामा दलका नेताहरुले बनाएको खाकामा चन्द्र्रकोट, ईस्मकोट, ऐतिहाँसिक चरपाला दरवार, धुर्कोट , पुर्कोटदह सम्मलाई सम्वोधन गरिएको छ ।
तर मुसिकोटलाई भने सम्वोधन नगरिएको प्रति त्यहाँका जनता असन्तुष्ट रहेका छन् । वामीटक्सारमा केन्द्र बनाईए पनि रुद्रवतीको सट्टा मुसिकोट नगरपालिका नामकरण गर्नु पर्ने त्यहाँका जनताको माग रहेको छ ।
जिल्ला स्थित दलका नेताहरुले पुनरसंरचना गर्दा यदाकदा असन्तुष्टीहरु भए पनि चित्त बुझाई दिन आग्रह गरेका छन् । पुनर संरचना प्राविधिक सहयोग समितिका अध्यक्ष रहेका स्थानिय विकास अधिकारी डिलाराम पन्थीले आयोगले तोकेको मापदण्डमा रहेर बढिसेबढि मेहनत गरेर कोरिएको खाकालाई जिल्ला स्थित आम सहमतिमा अन्तिम टुङ्गो दिने प्रयासमा जुटिएको बताए । कतिपय विषयको अझै टुङ्गो लाग्न नसकेकोले तिहार पछाडी मात्रै अन्तिम रुप दिईने उनले जानकारी दिएका छन् ।

अव गाउँहरु सदरमुकाम भन्दा शहरिकरण र शक्तीशाली
गुल्मी , कार्तिक १२ । स्थानिय निकायको पुनरसंरचना पछि अव गुल्मीको अर्खवाङ्ग, पुर्कोटदह जस्ता विकट गाउँहरु सदरमुकाम तम्घास भन्दा शहरिकरणमा परिणत हुने छन् र शक्तीशाली पनि बन्दै जाने भएका छन् । ठुल्ठुला मुद्धाहरुमा समेत जिल्ला अदालत धाई रहनु पर्ने छैन् ।
माओवादीले द्धन्द्धकालमा भन्ने गरेको जनसराकार, जनअदालत अब गाउपालिका मै हुनेछ । गाउँपालिका उपाध्यक्षको संयोजकत्वमा अदालती फैसला हुनेछ । स्वास्थ्य देखि सुरुक्षा निकाय, विभिन्न सरकारी कार्यालय गाउँपालिका मैं केन्द्रित हुनेछन् । स्थानिय साधन श्रोतमा जनताकै अधिकार रहनेछ ।
अहिले साना तिना झुपडी रहेका ति गाउँहरुमा ठुला ठुलाा भवन बन्ने छन् । जनताले पनि गाउँपालिकोको केन्द्र रहेको स्थानमा हालको तम्घासमा जस्तै शानदार घर–पसलहरु बनाउने छन । अहिले सित्तैमा विक्रि गर्न चाँहदा पनि विक्रि हुन नसकेका त्यस वरीपरीका जमिनहरु स्थानिय निकायको केन्द्र बने पछि हातका हिसावले महँङ्गो मुल्यमा विक्रि हुनेछन् ।
हालै प्रस्ताव गरिएको खाकाको टुङ्गो लागेमा दुई दिनको बाटो हिडेर सदरमुकाम धाउने गरेका ह्वाङ्गदी, अर्खवाङ्ग, दर्लिङ्गको दुनाम गाउँ जस्ता विकट गाउँका जनता अव एक दिनमै सरकारी कार्यालयहरुको काम सकेर साँझ घर फर्किन पाउने छन् ।
विमारीहरुलाई अझै पनि दुनाम र यता अग्लुङ्ग, वाँझकटेरी लगायतका विकट गाउँका जनताले तत्काल उपचार गराउन सकेका छैनन् । कतिपय विरामी सदरमुकाम ल्याउँदा ल्याउँदै मृत्यु भएका छन , अव त्यो स्थिती आउने छैन् ।
शान्तिपुर , खैरेनी , पुर्तिघाट केन्द्र बनेमा विशेष गरी क्षेत्र नम्वर १ का जनताले ठुलो राहत पाउने छन् । अहिलेको संरचना हेर्ने हो भने गुल्मीको उपनिवेश जस्तै मनिन्छ क्षेत्र नम्वर १ । अव त्यो स्थितीबाट मुक्त हुने छन् त्यहाँका जनताहरु । जिल्लाको पुरानो व्यापारिक केन्द्र तथा ऐतिहाँसिक वामीटक्सार बजारले आफ्नो पुरानो अस्तीत्व फेरी फर्काउने छ । त्यो नगरपालिका बन्न वित्तिकै सदरमुकाम तम्घास भन्दा ठुलो बजार बन्न सक्ने छ ।
पुर्कोदह, धुर्कोटरजस्थल, ईस्मारजस्थल, चन्द्रकोट, यता ऐतिहाँसिक चारपाला दरवार, उता गौडाकोट , मनोरम घिउवेसी फाँट, अर्को ऐतिहाँसिक वजार पुर्तिघाट, खेरैनीको नाम वाहिरी जिल्लाका मनिसहरुको समेत ओंठमा झुण्डीने छ ।

अहिले कल्पनाको संसार जस्तो लाग्ने ति कुराहरु भोली साकार अवस्य हुन सक्छन यदि यहाँका सर्वसाधरण देखि यहाँको सवै पक्ष संयम भएर , फराकीलो मन गराए स्थानिय निकायको संरचना बनाउने जिम्मा दलका नेता र संवन्धीत सरकारी निकायलाई दिने हो भने ।
यसर्थ ईतिहाँसमा एकचोटी आएको यो गौरवमय घडीलाई हामी सवै पक्ष एक मत भएर साकार पार्ने तिर लागौ । यसैमा हामी र हाम्रा भावि सन्तीको भविश्य सुनिश्चीत हुनेछ । अन्यथा खिचातानी र कलहले हामी सवैलाई पछाडी पार्ने छ , यस प्रति सवैले विवेक पुराऔं ।

Comments

comments

Comments are closed.