केन्द्र सवैको पायकमा परे ४ नम्वर ईलाका नछुट्टिने सम्भावना

  •  
  •  
  •  
  •  
  •  

प्रेम सुनार
गुल्मी, कार्तिक १९ । ४ नम्वर ईलाका अन्तर्गतका गाविस अब बन्ने गाउँपालिकाबाट अलग गराईनु हुन्न भन्ने माग गर्दै सदरमुकाम तम्घासमा आन्दोलन चलिरहेका बेला त्यस अन्तर्गतका ३ वटा गाविस भने छुट्टिएर पायक पर्ने केन्द्रमा गाभिन चाहेका छन् । दिव्रुङ्गले आफुहरुलाई शान्तिपुर चाहेको छ भने अर्लाङ्गकोट र कुर्घाले वामी केन्द्र पायक पर्ने भएकोले उतै जाने निर्णय भई सकेको जनाएको छ ।majuwa-kendra-sambhawana

आन्दोलनरत पक्षले ति गाविस सहितको आन्दोलन गरिरहेको उद्घोष हिजो गरी रहेको कुरालाई ति गाविसका जनप्रतिनिधीहरुले खण्डन गरेका छन् । दिव्रुङ्गको सवै क्रियाशिल राजनैतिक दल, शिक्षक, वुद्धिजिवी र समाजसेवीहरु उक्त कुराको खण्डन गर्दै शान्तिपुर केन्द्रमा जाने स्पष्ट पार्न विज्ञप्ती निकाल्न आज दिउँसो शान्तिपुरमा बैठक बस्न जान लागेको दिव्रुङ्गका पुर्व गाविस उपाध्यक्ष तथा नेकपा एमालेका क्षेत्रिय कमिटी सदस्य गोविन्द वलालले बताए । उनले आफुहरुलाई मजुवा केन्द्र अपायक पर्ने भएकोले ४ नम्वर ईलाकाबाट छुट्टिन बाध्य भएको समस्या दर्शाए ।

नेकपा माओवादी केन्द्र दिव्रुङ्गका ईञ्चार्ज हिमाल पुन, सह ईञ्चार्ज चेतनाथ अर्यालले पनि आफुहरुलाई अन्यत्र टाढा पर्ने भएकै कारण शान्तिपुर केन्द्रमै जानु परेको बताए । माओवादी केन्द्रका ईञ्चार्ज पुनले नेपाली कांग्रेस दिव्रुङ्गका सभापति रामेश्वर अर्यालय उतै शन्तिपुर खेतमा जानु भएकोले उहाँलाई लिएर शान्तिपुरमा बैठक वसेर आज विज्ञप्ती निकाल्ने तयारीमा रहेको जानकारी दिए ।

नेपाली कांग्रेस कुर्घाका सभापति रामप्रसाद अर्यालले यहाँका सवै राजनैतिक दल, शिक्षक वुद्धिजिवी र सवै समाजसेवीहरु तिन तिन पटक सम्म बैठक वसेर वामी केन्द्रमै जाने निर्णय भई सकेकोले अव अर्को केन्द्रमा जाने निर्णय त कसरी गर्न सकिएला र भन्ने प्रतिकृया दिए । ४ नम्वर ईलाका भित्रै तपाईहरुलाई नजिक पर्ने केन्द्र बन्यो भने त स्वीकार्य होला नि ? भन्ने प्रश्नमा उनले नजिक केन्द्र परे त सोच्न सकिने प्रतिकृया दिए ।

उनको संकेत कुर्घा वा आँपचौर सम्म केन्द्र परे सोच्न सकिने थियो । आँपचौर केन्द्र परेमा दिव्रुङ्गको तल्लो भेग अर्जेवावासीलाई पनि पायक पर्ने दलका नेता वाहेक सर्वसाधारणको भनाई छ । अर्लाङ्गकोटका राजनैतिक दल, शिक्षक, वुद्धिजिवी र समाजसेवीहरुले पनि आफुहरुलाई वामी केन्द्र नै पायक पर्ने बताउँदै अर्को कुुनै केन्द्रमा जान नसकीने बताएका छन् ।

आन्दोलनरत संघर्ष समितिका संयोजक जिवन खरेलले ४ नम्वर ईलाका भित्र यहि नै केन्द्र हुनु पर्छ भन्ने हाम्रो माग होईन, सवैको सल्लाह सहमतिमा जहाँ सेन्टर पर्छ त्यही केन्द्र राखिने छ, मात्र ४ नम्वर ईलाका भित्रको आज सम्मको न्यानो बन्धुत्व नछुटोस् भन्ने माग हो भन्ने प्रतिकृया दिए ।

तुराङ्गवासी र रुपाकोटवासीले पनि मजुवामै केन्द्र हुनु पर्छ भनेर आन्दोलन नगरिएको, केन्द्र सवै गाविसको सहमतिमा जहाँ रहे पनि फरक नपर्ने कुरा बताए । सघर्ष समितिको सचिवालयको आज विहान वसेको बैठकले पनि केन्द्रको वारेमा खिचातानी नगर्ने, जहाँ रहे पनि फरक नपर्ने निर्णय गरेको बताईएको छ ।

संर्घष समितिका सचिव कमल न्यौपानेले मजुवा, सोता, पिपलपाटा, दमुका, रामपुर, तल्लाफाँट, ईन्द्रगौडा माथी आँपचौर, जुभुङको घोराह, बलिथुमको टारी जहाँ भए पनि आपसी समतिमा केन्द्र बनाउने कुरामा आफुहरु स्पष्ट भएको प्रतिकृया दिए । हिजो सम्म मजुवा केन्द्रको मात्रै कुरा सञ्चार माध्यमबाट आएकोले त्यो भ्रम चिरी दिन न्यौपानेले सवै पक्षसंग आग्रह गरे ।

हिजो राती अवेर सम्म बसेको उच्च स्तरिय विवाद समधान समन्व्य समितिको बैठकले आन्दोलनरत पक्ष संग वार्ता गरी उठेका विवाद र मागका विषयमा संशोधन गर्ने सहमति भएको बताईएको छ । संशोधन के के विषयमा गर्ने भन्ने वारेमा आज पुनः वार्त गरिने भएको छ । आन्दोलनरत पक्षहरु आज पनि जिल्ला विकास समितिको गेटमै धर्ना दिई रहेका छन् ।

दलका नेताहरु आन्दोनरत पक्षका आ–आफ्ना कार्यकर्ताहरु संग बेग्ला बेग्लै परामर्शमा जुटेको बुझिएको छ । आन्दोनमा ८ नम्वर ईलाकाको जुभुङ्ग र वलिथुम पनि सहभागि छ । जसलाई कार्य दलले गौडाकोट केन्द्रको खाकामा पारेको थियो ।

Comments

comments

Comments are closed.